Sabah Avro-2012-nin seçmə mərhələsinin növbəti oyunları keçiriləcək. Apasport.az saytının məlumatına görə, A qrupunda mübarizə aparan Azərbaycan milli komandası qrupdakı 8-ci matçında Qazaxıstanla görüşəcək. 3 gün əvvəl Belçikadan xal alan millimiz yüksək əhval-ruhiyyə ilə çıxacağı görüşə qisas və rekord arzusu ilə başlayacaq. Məsələ ondadır ki, yığmamız indiyədək bu rəqiblə keçirdiyi 3 seçmə oyununda qalib gələ bilməyib. Üstəlik, 3 ay əvvəl Astanada acınacaqlı məğlubiyyət almaqla rəqibini sevindirib. İndi həmin yenilginin qisasına alacaq Berti Foqtsun yetirmələri tarixinin rekordunu da müəyyənləşdirə bilər. İndiyədək ən yaxşı halda seçmə mərhələni 5 xalla bitirən komandamız qalib gəlməklə bu rekordu 2 xal üstələyəcək. Bununla da 4-cü olan Avstriyaya çatacaq yığmamız mərkəzi avropalılarla Bakıdakı görüşdə daha böyük rekordlara çatmaq imkanı əldə edəcək.

Avro-2012-nin seçmə mərhələsi

I qrup

20:00. AZƏRBAYCAN – QAZAXISTAN
Baş hakim: Anders Hermansen
Hakim köməkçiləru: Martin Vulf, Anders Norrestrand, Kenn Pii Hansen (hamısı Danimarka)
Hakim-inspektor: Marinus Koopman (Hollandiya)
UEFA nümayəndəsi: Velid İmamoviç (Bosniya və Herseqovina)
Bakı. Tofiq Bəhramov adına Respublika stadionu

1	Almaniya	8	8	0	0	28-5	24
2	Türkiyə	7	4	1	2	11-8	13
3	Belçika	8	3	3	2	16-11	12
4	Avstriya	7	2	1	4	12-16	7
5	AZƏRBAYCAN	7	1	1	5	6-19	4
6	Qazaxıstan	7	1	0	6	3-17	3

• Olisdən növbəti uğur
• “Fənərbaxça”dan azarkeşlərə jest
• Günün canlı yayımlanacaq matçları - TV AFİŞA
• Luçesku VƏFAT EDİB
• “Mançester Yunayted”də yeni müqavilə