Üçüncü cəhd

10.09.2011 - 12:36

Futzal üzrə Azərbaycan milli komandası tarixində üçüncü dəfə Serbiya futzalçıları ilə üz-üzə gələcək. Apasport.az saytının məlumatına görə, Avro-2012-nin final mərhələsində yenidən bir-birlərinə rəqib olan yığmalar artıq 2 dəfə münasibətlərini ayırd ediblər.

Həmin 2 qarşılaşma da bu dəfəki kimi Avropa çempionatına təsadüf etsə də, bu görüşlər seçmə mərhələdə olub. Final mərhələsində qarşılaşacağımız Serbiya üzərində ilk qələbəni də elə həlledici mərhələnin keçiriləcəyi Xorvatiyada qazana bilərik. Çünki əvvəlki 2 matçda yığmamız qalib gələ bilməyib.

28 yanvar, 2004
Serbiya – Azərbaycan – 2:1 (AÇ-nin seçmə mərhələsinin oyunu)

23 fevral, 2007
Azərbaycan – Serbiya – 5:5 (AÇ-nin seçmə mərhələsinin oyunu)