AFFA-nın İntizam Komitəsinin iclası keçirilib. Apasport.az saytının məlumatına görə, yığıncaqda Premyer Liqanın V turunda baş verən hadisələr müzakirə olunaraq uyğun qərarlar çıxarılıb.

“Xəzər Lənkəran”– “Neftçi” matçının 72-ci və 90-cı dəqiqəsində meydan sahiblərinin azarkeşləri tərəfindən meydançaya kənar əşya atıldığı üçün lənkəranlılar 2000 manat cərimə olunub. “İnter” – “Simurq” matçında meydan sahiblərinin 5, “Bakı” – “Rəvan” oyununda isə qonaqların 4 futbolçusu sarı vərəqə ilə cəzalandığı üçün klublar hərəyə 1000 manat ziyana düşüb.

Bundan başqa, oyunun 48-ci dəqiqəsində “Rəvan”ın üzvü Tagim Novruzov hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün 4 oyunluq cəzalanıb və klubunu 4000 manat xərcə salıb.

“Qəbələ” – “Turan” matçında meydan sahiblərinin 4 futbolçusu sarı vərəqə ilə cəzalandığı üçün onlar 1000 manat cərimə olunub. Oyunun 84-cü dəqiqəsində “Qəbələ”nin ingiltərəli məşqçisi Qari Stivens texniki zona qaydalarını pozduğuna görə meydandan kənarlaşdırıldığı üçün 1 oyunluq cəzalanıb, klubu isə 1000 manat cərimələnib.

• Türkiyə millisinin üzvü “Ayntraxt”dan ayrıla bilər
• Uşaqda fərasətə bax: Donnarumanı aldadan bosniyalıdan etiraf
• “Liverpul”da kütləvi ayrılıq - 4 futbolçu satışa çıxarılacaq
• Niderlandlı ulduz "Benfika"nın transfer hədəfində
• Olisdən növbəti uğur