Bakıya başsız yığma gəlir

14.09.2011 - 10:01

Avro-2012-nin seçmə mərhələsində Azərbaycan milli komandasının rəqibi olan Avstriya yığması baş məşqçisiz qalıb. Apasport.az saytının məlumatına görə, tsiklin sonunda başa çatacaq müqaviləsi yenilənməyəcəyi rəsmən açıqlanan Ditmar Konstantini postunu tərk edib.

O, seçmə mərhələnin sonuna kimi gözləməyi yersiz sayıb. Bu isə o deməkdir ki, Avstriya oktyabrın 7-də Bakıda keçiriləcək qarşılaşmaya Konstantinisiz gələcək. Avstriya yığmasını son 2 matça – Azərbaycan və Qazaxıstanla oyunlara futbol federasiyasının idman direktoru Villi Ruttenştayner çıxaracaq.

Qeyd edək ki, 2009-cu ildən baş məşqçi olan Konstantini yığmanı 23 oyuna çıxarıb. Bu görüşlərdən birində millimiz Vyanada məğlub edilib – 3:0.