Almaniyanın “Mayns” klubunun futbolçusu Andreas İvanşits Avstriya milli komandasında karyerasını bərpa etməyə razılıq verib. Apasport.az saytının məlumatına görə, Ditmar Konstantininin baş məşqçiliyi dövründə millidən kənar düşən 28 yaşlı hücuma meylli yarımmüdafiəçi Avro-2012-nin seçmə mərhələsinin son 2 qarşılaşmasında çıxış edə biləcək.

Belə ki, Konstantininin istefasından sonra müvəqqəti bu vəzifəni icra edən Villi Ruttenşteyner Almaniyaya yollanaraq İvanşitslə söhbət edib. Çalışdırıcı futbolçu ilə ortaq məxrəcə gəldiklərini açıqlayıb: “Andreas Konstantininin dalınca danışmadı. Onun xırda incikliyi Avstriya futbol Federasiyasından idi. Lakin mən ona yığmaya qayıtmağı deyəndə, təklifimiz qəbul etdi”.

Qeyd edək ki, Avstriya yığması oktyabrın 7-də Bakıda Azərbaycan milli komandasının qonağı olacaq.

• “Fənərbaxça”dan “Qalatasaray”a sərt ittihamlar – Derbidə qalmaqal
• Mbappenin zarafatı baha başa gəldi – Sponsorlarını itirdi, La Liqa yayımları dayandırıldı
• “Fənərbaxça”nın dördüncü forması bəlli oldu – FOTO
• “Qalatasaray”da derbi qələbəsinə görə 2,5 milyon avroluq mükafat
• Okan Buruk: “Fənər”ə qarşı planlarımız həmişə işə yarayıb”