Premyer Liqada VII tur: Tovuzdan “Şəfa”ya

20.09.2011 - 14:36

Azərbaycan Premyer Liqasının VII turunun oyunlarının keçiriləcəyi stadionlar və başlama saatları açıqlanıb. Apasport.az saytının məlumatına görə, sentyabrın 23-24-də baş tutacaq görüşlərin 3-ü cümə, 3-ü şənbə günü baş tutacaq. Turun əsas mərkəzi qarşılaşmaları cümə günü Bakı və Lənkəranda olacaq. Lakin ertəsi paytaxtda oynanılacaq qarşılaşmalar da turnir cədvəli baxımından maraq kəsb edir.

Qeyd edək ki, turun ilk oyunu Tovuzda, son matçı “Şəfa”da keçiriləcək.

23 sentyabr (cümə)

16:00. "Turan" - "Rəvan"
Tovuz şəhər stadionu

18:00. "Neftçi" - "Bakı"
Tofiq Bəhramov adına Respublika stadionu

18:30. "Xəzər Lənkəran" - "Qəbələ"
Lənkəran şəhər mərkəzi stadionu

24 sentyabr (şənbə)

15:00. "Sumqayıt Şəhər" - "Simurq"
Mehdi Hüseynzadə adına Sumqayıt şəhər stadionu

18:00. AZAL - "Qarabağ"
"AZAL Arena" stadionu

19:00. "İnter" - "Kəpəz"
"Şəfa" stadionu