Premyer Liqada ilk istefa: “Rəvan” baş məşqçisiz qaldı

20.09.2011 - 15:15

Azərbaycan Premyer Liqasının 2011/12 mövsümündə ilk baş məşqçi istefası gerçəkləşib. Apasport.az saytının məlumatına görə, “Rəvan” rəhbərliyi Bəhmən Həsənovla yollarını ayırıb. Çempionatın debütantı ilk 6 turda qələbə qazana bilməməyin nəticəsi kimi baş məşqçini dəyişməyə qərar verib.

Qeyd edək ki, 2011/12 mövsümündə daha 2 istefa çempionat başlamamış qeydə alınmışdı.

AZAL Nazim Süleymanov, “Neftçi” Arif Əsədovla avrokuboklardakı uğursuzluğa görə yollarını ayırmışdı. Süleymanov postundan özü istefa vermişdisə, Əsədov vəzifəsindən kənarlaşdırmışdı.