“Pley-off matçlarına vəsiqə qazanmaq öz əlimizdədir. Bunun üçün bizi qarşıda 2 ciddi oyun gözləyir”. Apasport.az saytının məlumatına görə, bunu Türkiyə milli komandasının futbolçusu Tunay Torun deyib.

Avro-2012-nin seçmə mərhələsində Azərbaycanla eyni qrupda yer alan “ay-ulduzlular”ın 21 yaşlı hücumçusu bildirib ki, millimizlə Almaniya yığmasını məğlub etməkdə çətinlik çəkməyəcəklər: “Azərbaycan və Almaniya ilə oyunları gözləyirik. Onları məğlub edərək, pley-offa yüksələcəyik. Finallara qatılacağımıza inanıram. Bunun üçün mən də həmin heyətdə yer almaq istəyirəm”.

Qeyd edək ki, Torun ilk dəfə Türkiyənin U-15 yığmasına dəvət alıb. Bundan sonra bütün yaş qruplarında “ay-ulduzlu” formanı geyinib. Klub karyerası isə Almaniya ilə bağlı olan forvard hazırda “Herta”da çıxış edir.

• Həftənin futbolçusu adına namizədlər bəlli oldu
• Hansı, oyun, hansı kanalda? - TV AFİŞA
• “Fənər”də şok itki - 3 həftə olmayacaq
• Türkiyə millisinin üzvü “Ayntraxt”dan ayrıla bilər
• Uşaqda fərasətə bax: Donnarumanı aldadan bosniyalıdan etiraf