Belçika yığmasının (U-21) heyəti açıqlanıb. Apasport.az saytının məlumatına görə, Avropa çempionatının seçmə mərhələsi çərçivəsində oktyabrın 10-da, Bakıda millimizin qəbul edəcəyi belçikalıların bu matçda güvənəcəyi futbolçuların siyahısı müəyyənləşib. Baş məşqçi Franki Duri görüşdə 22 oyunçuya güvənəcək.

Sentyabrın 6-da Antverpendə millimizi 4:1 hesabı ilə məğlub edən belçikalılar həmin oyunla müqayisədə heyətində bir sıra dəyişikliklərə ehtiyac duyublar. Belə ki, müdafiəçi Luis Pedro Kavanda (Latsio, İtaliya), yarımmüdafiəçilər Cimmi De Yonq (Brügge), Maksim Lestienn (Brügge), Pol-Joze Mpoku (Standard) və hücumçu Yens Nessens (Zulte-Varegem) ölkəmizə gətirilməyəcək. Əvəzində Koen Veuts, Ziquy Badibanqa və Kevin De Bruyn belə imkan qazanacaq.

Qapıçılar: Kolin Kuzemans (Brügge), Tomas Kaminski (Oud Heverli-Leuven), Antoni Moris (Standard).

Müdafiəçilər: Dedrik Boyata (Mançester Siti, İngiltərə), Dimitri Daeseleyr (Sent-Truden), Laurens De Bok (Lokeren), Kristof D’Haene (Serkl Brügge), Qreqori Mertens (Serkl Brügge), Pyer-İv Nqava (Sent-Truden), Dries Vuytens (Beerskot), Koen Veuts (Oud-Heverli Leuven).

Yarımmüdafiəçilər: Yasin El Qanassi (Gent), Funso Ojo (PSV, Hollandiya), Tibaut Van Aker (Brügge), Ziquy Badibanqa (Anderlext), Kevin De Bruyn (Genk).

Hücumçular: Arnor Angeli (Standard), Kristian Benteke (Standard), Jianni Bruno (Lill, Fransa), Nill De Pauv (Lokeren), Jillom Fransua (Beerskot), Tomas Meunier (Brügge).

Qeyd edək ki, Azərbaycan – Belçika oyunu oktyabrın 10-da saat 18:00-da başlayacaq.

• 18 yaşlı müdafiəçi "Çelsi"nin radarında
• "Atalanta"nın futbolçusu La Liqa yolunda
• "Real"ın 3 futbolçusu zədəsini sağaldıb - "Bavariya"ya qarşı oynayacaqlar
• "Tottenhem"də ciddi itki
• Braziliya millisinin üzvü A Seriyasına qayıda bilər