Futbol üzrə Azərbaycan milli komandası oktyabrın 9-da Türkiyənin İstanbul şəhərindəki “Türk Telekom Arena”da məşqə çıxıb. Apasport.az saytının İstanbula ezam olunan əməkdaşının verdiyi məlumata görə, məşqin ilk 15 dəqiqəsi mətbuat üçün açıq olub.

Hazırlıq prosesini AFFA-nın baş katibi Elxan Məmmədov və federasiyanın digər rəsmiləri, eləcə də azərbaycanlı və türkiyəli jurnalistlər izləyiblər. Yağışlı hava şəraitinə rəğmən, yığmamızın üzvləri yüksək əhval-ruhiyyədə görünüblər. Bir saatadək davam edən hazırlıq prosesindən sonra futbolçular komandamız üçün ayrılan avtobusla stadionu dövlət yol polisinə məxsus avtomobilin müşayiəti ilə tərk ediblər.

Qeyd edək ki, 2012-ci il Avropa çempionatının seçmə qrup mərhələsi çərçivəsində keçiriləcək Türkiyə - Azərbaycan matçı Bakı vaxtı ilə saat 22:00-da başlanacaq. Görüş “Türk Telekom Arena”da baş tutacaq.

• Mane Türkiyədə çıxış edəcək?
• “Siti” onunla razılaşdı - KOMANDADA SAXLANILDI
• "Fənərbaxça", "Arsenal", "Neftçi"... - Günün oyunları bu kanallarda
• Malendən het-trik, "Roma"dan 3 xal - VİDEO
• İtaliya millisinin baş məşqçisi bəlli oldu