Bakıda keçirilən kişilər arasında cüdo üzrə Dünya kubokuna yekun vurulub. Apasport.az saytının məlumatına görə, “Sərhədçi” Olimpiya Mərkəzində təşkil edilən yarışda Azərbaycan milli komandası 2 qızıl, 1 gümüş və 1 bürünc medala sahib olub.

Cüdoçularımızdan Vüqar Şirinli (60 kq) və Tərlan Kərimov (66 kq) bütün rəqiblərinə qalib gələrək, fəxri kürsünün ən yüksək pilləsinə qalxıblar. Həlledici döyüşdə Şirinliyə uduzan İlqar Müşkiyev gümüş medalla kifayətlənib.

Millimizə bürünc medalı isə Rüstəm Orucov (73 kq) qazandırıb.

Qeyd edək ki, yığmamız komanda hesabında birinci yeri tutub. İkinci pillə Rusiyaya (1 qızıl, 1 gümüş və 4 bürünc) qismət olub. İlk “üçlüyü” isə Misir qapayıb (1 qızıl, 1 bürünc).

• Mane Türkiyədə çıxış edəcək?
• “Siti” onunla razılaşdı - KOMANDADA SAXLANILDI
• "Fənərbaxça", "Arsenal", "Neftçi"... - Günün oyunları bu kanallarda
• Malendən het-trik, "Roma"dan 3 xal - VİDEO
• İtaliya millisinin baş məşqçisi bəlli oldu