“Yaxşı oyun oldu. Hər 2 komanda sürətli futbol nümayiş etdirdi”. Bunu apasport.az saytına açıqlamasında “Qəbələ” klubunun futbolçusu Mahir Şükürov deyib.

Əyalət təmsilçisi Premyer Liqanın X turu çərçivəsində “İnter”in qonağı olsu. “Şəfa” stadionunda keçirilən görüşdən (1:1) sonra Şükürov bildirib ki, komandasının məqsədi meydandan ən azından 1 xalla ayrılmaq idi: “Matçın çətin keçəcəyini bilirdik. Bu səbəbdən bütün gücümüzü ortaya qoyduq. Məqsədimiz qələbə qazanmaq idi. Ən pis halda heç-heçə etməliydik”.

Mahirin sözlərinə görə, oyundan 3 xalla ayrılmaq üçün yaxşı şansları olub: “Bizim qol vəziyyətlərimiz rəqibdən daha çox oldu. Deon Bartonun zərbəsi dirəyə dəyməsəydi, 2:1 hesablı qələbəni bayram edirdik. Hər halda, səfərdə oynamağımızın müqabilində bir xalı da normal sayıram”.

• “Fənər”in üzvü futboldan uzaqlaşdırıldı - Mərc oyunlarına görə
• "Arsenal"ın Qnabri planı
• İtaliyalı qolkiper vətəninə qayıdır - "İnter"lə anlaşdı
• İngiltərə millisinin üzvü daha 5 il "Yunayted"də - RƏSMİ
• Joze Mourinyo: "Dünya çempionatını Braziliya qazanacaq"