Millimizin futbolçusu Almaniyada qələbəyə sevindi

24.10.2011 - 11:03

Almaniya çempionatının Cənub regional liqasında növbəti oyunlar keçirilib. Apasport.az saytının məlumatına görə, Azərbaycan millisinin futbolçusu Ufuk Budakın çıxış etdiyi “Frayburq-2” səfərdə “Qröyter Fürt-2” ilə qarşılaşıb.

Ufukun komandası ilk yarım saatda 2 qol vuraraq matçın taleyini həll edib. Bundan sonra meydan sahibləri fərqi minimuma endiriblər. Budak bu qarşılaşmanın 44-cü dəqiqəsində meydana çıxıb.

Qeyd edək ki, Ufukun komandası 14 turdan sonra 19 xalla 18 komanda arasında 9-cu yerdə qərarlaşıb.