Premyer Liqanın I dövrəsində hamıdan çox oynayan futbolçular məlum olub. Apasport.az saytının hesablamalarına görə, arxada qalan 11 turda yalnız 14 futbolçu bütün görüşləri əvəzolunmadan keçirib. Bunlar 11 oyunun hər birində 90, ümumilikdə 990 dəqiqə oynayan futbolçulardır.

Həmin oyunçulardan 3-ü “Xəzər Lənkəran”, 3-ü isə “Qarabağ”ı təmsil edir. Onlardan başqa, daha 6 klubun ümumilikdə 8 üzvü 11 matçı əvəzolunmadan keçirib.

Çempionatda 990 dəqiqə oynayanlar Admir Teli (Qarabağ), Adnan Hodziç (Simurq), Adrian Pit (Xəzər Lənkəran), Andrey Muresan (Xəzər Lənkəran), Cahangir Həsənzadə (AZAL), Denis Silva (Neftçi), Namiq Yusifov (Qarabağ), Pavel Doroşev (Qəbələ), Rahid Əmirquliyev (Xəzər Lənkəran), Rəşad Sadıqov (Qarabağ), Ruslan Tağızadə (Sumqayıt Şəhər), Samir Abasov (Sumqayıt Şəhər), Saşa Stamenkoviç (Neftçi), Yuri Fomenkodur (Kəpəz).

Qeyd edək ki, “İnter” - “Bakı” oyunu başa çatdırılmadığından, bu klubların futbolçularının həmin görüşdəki göstəriciləri ləğv olunub. Bu üzdən hər 2 klubun rekordçuları 10-dan artıq görüşdə oynaya bilməyib.

• DÇ-2026 - 1/8 final cütü: Argentina - Misir
• Salah matçın ən yaxşısı seçildi - Misir 1/8 finala yüksəldi
• Alfaro Fransanı tufana bənzətdi - “İldırımdan necə qorunacağımızı tapmalıyıq”
• Fatih Tekke Buaddiyə heyran qaldı - Qiymətini görüb zarafata saldı
• UEFA-dan yeni qərar - Ağzını bağlayan futbolçu qırmızı almayacaq