Rekordun 2 saniyəliyində

02.11.2011 - 09:32

Çempionlar Liqasının qrup mərhələsinin IV turunda keçirilən “Valensiya” (İspaniya) – “Bayer” (Almaniya) oyunu rekordla əlamətdar olub. Apasport.az saytının məlumatına görə, matçın 12-ci saniyəsində hesabı açan Conas mövsümün ən erkən qolunu vurub. “Valensiya”nın üzvü “Milan”lı Aleşandre Patonun rekordunu yeniləyib. Braziliyalı İspaniya “Barselona”sı ilə qarşılaşmanın 24-cü saniyəsində fərqlənmişdi.

Lakin Çempionlar Liqası tarixinin ən erkən qolunun müəllifi olmaq Conasa nəsib olmayıb. Belə ki, onu mütləq rekorddan 2 saniyə ayırıb. 2006/07 mövsümündə 1/8 finalın “Bavariya” (Almaniya) – “Real” (İspaniya) qarşılaşmasında hollandiyalı Roy Makay 10-cu saniyədə qol sevinci yaşamışdı. Conası bu rekorddan cəmi 2 saniyə ayırıb.