Meydan sahibləri üçün uğursuz gün - YENİLƏNİB
04.11.2011 - 17:57
Meydan sahibləri üçün uğursuz gün - YENİLƏNİB
Bu gün Premyer Liqada II dövrəyə start verilib. Apasport.az saytının məlumatına görə, turun açılış oyunları meydan sahibləri üçün uğursuz olub.

“Kəpəz” ilk dövrədə böyük hesabla qalib gəldiyi “Bakı”ya evdə 3 top buraxaraq, uduzub. Bununla da paytaxt təmsilçisi həm rəqibindən əvəz çıxıb, həm də Gəncədə ardıcıl 6-cı qələbəsini qazanıb. Özü də maraqlıdır ki, “Bakı” ötən mövsüm də Nizami yurdunda 3:1 hesabı qalib gəlmişdi.

“Rəvan” isə yenə evdə qalib gələ bilməyib. Halbuki, hesabı açan debütant buna yaxın idi. Ancaq “Simurq” 2-ci hissədə təcrübəli legioneri Andrey Rubinin sayəsində bərabərlik qolunu vurmağa müvəffəq olaraq, Zaqatalaya 1 xalla qayıdır. Fasilədən sonra qısa zaman kəsiyində hər 2 komandadan 1 futbolçu 2-ci sarı vərəqəyə görə meydandan qovulub və qonaqlar say bərabərləşəndən məğlubiyyətdən qaça bilib.

4 noyabr

"KƏPƏZ" - "BAKI" - 1:3
QOLLAR: Armand Feutchine, 72 - Uinston Parks, 16, Deividas Çesnauskis, 43, Aleksandar Soliç, 66
Hakimlər: Elçin Məmmədov, Azər Əsgərov, Zeynal Zeynalov, İnqilab Məmmədov.
Gəncə. Şəhər stadionu.
Gəncədəki oyunların balansı: 9 oyun: +3=1-5 (11-15).
1997/98 – 1:1, 1998/99 – 2:0 (təsnifat), 3:1 (“altılıq”), 1999/00 – 2:0, 2000/01 – 1:2, 2003/04 – 1:4, 2004/05 – 0:2, 2005/06 – 0:2, 2010/11 – 1:3 (təsnifat).
I dövrədəki oyun – 3:0.

"RƏVAN" - "SİMURQ" - 1:1
QOLLAR: Samuel Barlay, 15 - Andrey Rubin, 72
Qırmızı vərəqə: Ekrem Hodziç, 56 (2-ci sarı, “Rəvan”), Vasili Yanotovski, 63 (2-ci sarı, “Simurq”)
Hakimlər: Ramil Diniyev, Nahid Əliyev, Aleksandr Musatkin, Vüsal Əliyev.
Bakı. “Dalğa Arena” stadionu.
Komandalar Bakıda ilk dəfə görüşəcəklər.
I dövrədəki oyun – 1:1

KomandaOQHMQollarXallar
1Xəzər Lənkəran1182117-726
2Neftçi1171316-922
3İnter1163210-721
4Qarabağ1162315-1020
5Bakı1254315-1119
6Qəbələ1143412-1315
7Rəvan1235415-1614
8Simurq1233610-1312
9Kəpəz1233616-2012
10Turan113178-1410
11AZAL1124512-1610
12Sumqayıt Şəhər111375-156


Bombardirlər: Sergey Artyux (Turan) - 5, Yuri Fomenko, Ceyhun Sultanov (hər ikisi “Kəpəz”), Luiz Hilario ("Qəbələ") – 4.