Azərbaycan çempionu sabah Barselonada meydana çıxacaq

16.11.2011 - 12:27

Bu gün futzal üzrə UEFA kubokunun elit mərhələsinə start veriləcək. Apasport.az saytının məlumatına görə, B qrupunda mübarizə aparacaq Azərbaycan çempionu “Araz” isə mübarizəyə sabah başlayacaq.

Belə ki, Naxçıvan təmsilçisinin qrupunda oyunlar noyabrın 17-də start götürməlidir. İspaniyanın Barselona şəhərindəki “Palau Blauqrana” sarayında mübarizə aparacaq təmsilçimiz meydan sahibləri, həmçinin Çexiya və Hollandiya çempionları ilə yarışacaq.

Qeyd edək ki, yalnız qrup qalibi final mərhələsinə vəsiqə əldə edəcək.

17 noyabr

21:30. “Araz” (Azərbaycan) – “Eyndhoven” (Hollandiya)
23:45. “Barselona” (İspaniya) - “Era Park Xrudim” (Çexiya)

18 noyabr

21:45. “Era Park Xrudim” – “Araz”
00:00. “Barselona” – “Eyndhoven”

20 noyabr

20:00. “Araz” – “Barselona”
22:15. “Eyndhoven” - “Era Park Xrudim”

Qeyd edək ki, oyunların başlanma saatı Bakı vaxtı ilə göstərilib.