Kriştianu Ronaldo Portuqaliya milli komandasında rekorda şərik olub. Apasport.az saytının məlumatına görə, dünyanın ən bahalı futbolçusu yığmada vurduğu qolların sayına görə məşhur həmkarı Luiş Fiquya çatıb. Hər 2 hücumameylli yarımmüdafiəçinin hesabında 32 qol var. Ronaldo cari mövsümdə 23 qol vurub. Bunun 17-si çıxış etdiyi Madrid “Real”ında, 6-sı yığmada olub. Kriştianunun Luşdən üstünlüyü daha az oyuna bu qədər qol vurmağıdır. Yəni 26 yaşlı futbolçu Fiqunun yığmada oyunlarından təxminən 4 dəfə az keçirib.

Qeyd edək ki, Ronaldo ilə Fiqunun qollarından Azərbaycan milli komandasının qapısına vurulanlar da var. Luiş 1999-cu ilin sentyabrında Tofiq Bəhramov adına Respublika stadionunda vurduğu qolla yığmasını biabırçı məğlubiyyətdən xilas edib – 1:1. Ronaldo isə 2006-cı ilin oktyabrında millimizə 3:0 hesabı ilə qalib gəldikləri ev oyununda dubl edib. Hər 2 matç Avropa çempionatının seçmə mərhələ oyunu olub.

• Kvaratsxeliya "Napoli" ilə anlaşa bilmir
• "Beşiktaş"ın futbolçusu derbini buraxacaq
• Qalmaqallı "Trabzonspor" - "Fənərbaxça" matçı ilə bağlı yeni qərar
• "Mançester Siti"dən rekord
• "Mançester Yunayted"lə oyun öncəsi "Fənərbaxça"da ciddi itki