Vaqif Cavadovun sabiq komandası rekordun 1 addımlığında

22.11.2011 - 09:54

Hollandiyanın “Tvente” klubu fantastik rekordun 1 addımlığındadır. Apasport.az saytının məlumatına görə, Enshede təmsilçisi ölkə çempionatında ardıcıl 40 oyundur meydanı qolsuz tərk etmir. 2010-cu ilin sentyabrında “Herakles”lə görüşdə (0:0) qol vura bilməyən “Tvente” həmin vaxtdan meydanı qolsuz tərk etmir. Bu isə Hollandiya çempionatları tarixinin rekorduna çox yaxındır. 1994-cü ilin noyabrından 1995-ci ilin dekabrına kimi olan 13 ayda “Ayaks” 41 matç meydandan qolsuz ayrılmamışdı.

Qeyd edək ki, Azərbaycan milli komandasının sabiq futbolçusu Vaqif Cavadov da bu seriyanın başladığı dövrdə “Tvente”nin futbolçusu idi. Həmin vaxtlar o, komandaya lazım olmadığı üçün icarə əsasında “Bakı”ya göndərilmişdi.