Qapıçı kar oldu, oyun dayandırıldı

22.11.2011 - 17:58

Argentina çempionatının XV turunda “Estudiantes” – “Banfild” oyununda (0:1) yarımçıq dayandırılıb. Apasport.az saytının məlumatına görə, buna səbəb meydanda yaranan insident olub. Meydan sahiblərinin azarkeşləri qonaqların qapıçısı Kristian Luçettiyə fişəng atıb. Nəticədə pirotexniki vasitənin gurultusundan futbolçunun qulağı tutulub. O, akustik xəsarət alıb və bunun keçib-gedəcəyi gözlənilir.

Oyun insidentə görə 13-cü dəqiqədə dayandırılıb. “Estudiantes”in təcrübəli kapitanı Xuan Sebastyan Veron azarkeşlərə qarışıqlığı dayandırmaqla bağlı müraciət edib. Ancaq matçı davam etdirmək mümkün olmayıb. Çünki komandaların futbolçularının təhlükəsizliyinə elə də təminat verilməyib.