2011-ci ilin ən yaxşı idman komandası adına namizədlərin siyahısı açıqlanıb. Apasport.az saytının məlumatına görə, nüfuzlu “Laureus” mükafatına iddiaçılar arasında futbol komandaları çoxluq təşkil edir.

“Barselona” (İspaniya), Cənubi Amerika çempionu Uruqvay yığması və qadınlar arasında dünya çempionu adını qazanan Yaponiya millisi planetin ən yaxşısı olmağa namizəddir.

Onlardan başqa, siyahıda "Boston” (hokkey, MXL), Yeni Zelandiya yığması (reqbi), Fransa yığması (həndbol, kişilər), İngiltərə yığması (kriket, kişilər), Hindistan yığması (kriket, kişilər), Çin yığması (stolüstü tennis, kişilər), Çin yığması (suyatullanma, kişilər), “Dallas Maveriks” (basketbol, MBA), “Qrin Bay Leykers” (Amerika futbolu, MFL), “Obern Taygers” (Amerika futbolu, MFL) və “Red Bull” (Formula-1) komandaları da var.

Qeyd edək ki, planetin ən yaxşısının adı gələn il fevralın 6-da Böyük Britaniyanın paytaxtı Londonda təşkil olunacaq tədbirdə açıqlanacaq.

• Mertens İtaliyaya qayıtmaq istəyir
• "Mançester Yunayted" Türkiyə millisinin üzvü ilə yolları ayırır
• Vaskes "Real"dan ayrılır
• "Qalatasaray"la "Yuventus" arasında Osimhen savaşı – 65 milyonluq transfer
• "Real"ın futbolçusu əməliyyat olunacaq