Mişel Platini millimizlə oyunları xatırlatdı, favoritini açıqladı

26.02.2012 - 19:37

UEFA prezidenti Mişel Platini bu ilin yayında keçiriləcək Avropa çempionatında favoritini açıqlayıb. Apasport.az saytının məlumatına görə, ötənlərin əfsanəvi fransalı futbolçusu Polşa və Ukraynada təşkil olunacaq final mərhələsində Almaniya yığmasını əsas favorit sayır.

Platini ötən seçmə mərhələdə milli komandamızın qrupunda yüz faizli nəticə ilə 1-ci yeri tutan Bundestimin hazırkı çıxışını yüksək qiymətləndirib: “Hazırda Almaniya yığması Avropa qitəsində ən güclü sayılır. Onun heyətində gənc, sürətli futbolçular oynayır. Bundestim Avro-2012-nin seçmə mərhələsində bütün oyunlarda qalib gəldi. Mən hesab edirəm ki, Almaniya qarşıdakı final mərhələsinin əsas favoritidir”.

Qeyd edək ki, almanlar ötən seçmə mərhələdə yığmamıza evdə 6:1, səfərdə 3:1 hesabı iə qalib gəlib.