Azərbaycanda titul qazana bilmədi, Çexiyada çempion oldu

24.04.2012 - 13:32

Qadın voleybolçular arasında Çexiya çempionatının qalibi müəyyənləşib. Apasport.az saytının məlumatına görə, yarışın qalibi adını “Modranska” klubu qazanıb.

Çempionlar Liqasında “Rabitə”nin potensial rəqibi olacaq komanda final mərhələsində “Olimp”ə qalib gəlib. Onlar rəqibləri ilə 3 görüşün hamısında Praqa təmsilçisini məğlub ediblər – 3:0, 3:1, 3:0.

Qeyd edək ki, 2010/2011 mövsümündə Bakının “Lokomotiv” klubunun şərəfini qoruyan və Super Liqanın ən yaşlı voleybolçusu olan Monika Smak da “Modranska”ın heyətində qızıl medallara yiyələnib. O, Azərbaycanda heç bir titul qazana bilməmişdi.