“Qarabağ” 2 futbolçusunu Türkiyəyə göndərəcək

08.05.2012 - 09:06

Albaniya millisinin daha bir oyununun məkanı müəyyənləşib. Apasport.az saytının məlumatına görə, albaniyalılar İranla Türkiyədə qarşılaşacaqlar.

Qarşılaşma mayın 27-də İstanbulda baş tutacaq. Bu isə o deməkdir ki, çempionatımızda çıxış edən legionerlər Türkiyənin ən böyük şəhərində oynamaq imkanı qazanacaqlar. Belə ki, “Qarabağ”ın futbolçuları Ansi Aqolli və Admir Teli, AZAL-ın üzvü Ervin Bullku son vaxtlar daim yığmaya çağırılır.

Qeyd edək ki, Albaniya yığması mayın 22-də Qətərlə İspaniyanın paytaxtı Madriddə qarşılaşacaq.