Milli komandamıza qarşı 18 “avropalı”

10.05.2012 - 10:27

Mayın 23-də Azərbaycan milli komandası ilə yoldaşlıq oyunu keçirəcək Yaponiya yığmasına Avropada legioner həyatı yaşayan 18 futbolçu çağırılacaq. Apasport.az saytının məlumatına görə, bunu “Mavi samuraylar”ın baş məşqçisi Alberto Zakkeroni açıqlayıb.

İtaliyalı mütəxəssis millimizlə görüşə çağırılacaq heyətdə Almaniya “Borussiya”sı ilə 2-ci dəfə ölkə çempionu olan Sindzi Kaqavanı sərəncamında görmək istəyir. Rusiya MOİK-inin yarımmüdafiəçisi Keysuke Honda, İtaliya “İnter”ində çıxış edən Oto Naqatomo və yığmanın kapitanı Makoto Xasebe də baş məşqçinin siyahısındadır.