Yaponiya yığmasının aparıcı futbolçusu olan Keysuke Hondanın Azərbaycan milli komandası ilə mayın 23-də keçiriləcək yoldaşlıq görüşündə iştirakı sual altındadır. Apasport.az saytının məlumatına görə, rəqibimizin baş məşqçisi Alberto Zakkeroni Moskva MOİK-ində oynayan yarımmüdafiəçiyə dəvət göndərsə də, onun hansı formada olmağından bixəbərdir.

İtaliyalı çalışdırıcının sözlərinə görə, millimizlə oyunla hazırlıq prosesində Hondanın durumuna baxıb, meydana çıxmağına qərar verəcək: “Açığı, Keysukenin ötən il aldığı zədə üzündən oyununu düz əməlli görməmişəm. O, hələ də tam bərpa olunmayıb. Hondanın vəziyyətinə birbaşa təlim-məşq toplanışında qiymət verəcəyik. Əlbəttə, mən də istərdim ki, oynasın. Ancaq bu, yalnız yaxşı vəziyyətdə olduğuna əmin olduğumuzdan sonra mümkündür“.

• 33 yaşlı mütəxəssis daha 3 il "Brayton"da - RƏSMİ
• Tramp DÇ-2026 bilet qiymətlərinə etiraz etdi: “Mən o pulu verməzdim”
• Günün canlı yayımlanacaq matçları - TV AFİŞA
• Valverde sükutu pozdu: "Heç kim məni döyməyib"
• Komanda yoldaşı ilə dalaşdı - 2 həftə oynamayacaq