Millimizə qarşı oynayacaq futbolçuya 20 milyon avro qiymət qoyuldu

22.05.2012 - 08:23

Azərbaycan milli komandası ilə yoldaşlıq görüşü keçirəcək Yaponiya yığmasının futbolçusu Sindzi Kaqavanın transfer qiyməti müəyyənləşib. Apasport.az saytının məlumatına görə, 23 yaşlı yarımmüdafiəçinin oynadığı Dortmund “Borussiya”sı onu 20 milyon avrodan aşağı satmayacağını açıqlayıb. Sindzi son 2 ildə çempion olduğu klubla müqaviləni uzatmaqdan imtina edərək, İngiltərədə oynamaq fikrindədir. Hələ 1 illik müqaviləsi olan futbolçusunun gənc olduğunu və güclü tərəflərini bilən rəhbərlik ona yaxşı məbləğə satmaq fikrindədir.

Qeyd edək ki, Sindzi millisinin heyətində yığmamıza qarşı sabah oynayacaq.