“Hücumçunu zənginləşdirən onun qollarıdır. Təbii, Messi qədər qol vurmamışam. Mən Lionel ola bilmərəm”. Apasport.az saytının məlumatına görə, bu sözləri “Bakı” klubunun latviyalı hücumçusu Maris Verpakovkis deyib.

Latviya milli komandasının 33 yaşlı futbolçusu vətənində verdiyi müsahibədə karyerasını dəyərləndirib, ən qiymətli qollarını xatırlayıb: “Düzdür, kifayət qədər qol vurmuşam, amma bütün karyeramı göz qabağına gətirsəm, heç 5 qol xatırlamaram. Unudulmaz qollardan ikisini Avro-2004-ün Türkiyə ilə pley-off oyunlarında vurmuşam. Həmin oyunlar, həmin qollar nə mən, nə də komanda yoldaşlarım tərəfindən unudulacaq. Daha bir qolu isə həmin çempionatın final mərhələsində Çexiyanın qapısından keçirmişəm. Çempionlar Liqasında isə cəmi 1 dəfə qol vurmuşam. Amma kimə? Madrid “Real”ına vurduğum qolu da unuda bilmərəm. Kiyevdə “Dinamo”nu dəstəkləməyə 90 min azarkeş gəlmişdi və mən də belə oyunda fərqləndim”.

Qeyd edək ki, Maris Azərbaycan Premyer Liqasının son mövsümündə 18 oyuna 3 qol vurub.

• Dambrauskas və Sadıqov finalöncəsi PFL-in suallarını cavablandırıb - VİDEO
• 33 yaşlı mütəxəssis daha 3 il "Brayton"da - RƏSMİ
• Tramp DÇ-2026 bilet qiymətlərinə etiraz etdi: “Mən o pulu verməzdim”
• Günün canlı yayımlanacaq matçları - TV AFİŞA
• Valverde sükutu pozdu: "Heç kim məni döyməyib"