“Sumqayıt”ın məşqçilər korpusunda dəyişiklik edilib. Apasport.az-ın klubun rəsmi saytına istinadən məlumatına görə, “Gənclik şəhəri”nin təmsilçisi Azərbaycan millisinin sabiq kapitanı, 2011/2012 mövsümündə baş məşqçi Bernhard Raabın köməkçisi vəzifəsində çalışmış Aslan Kərimovla yollarını rəsmən ayırıb.

Belə ki, 39 yaşlı mütəxəssis Azərbaycanın 15 yaşadək futbolçulardan ibarət milli komandasının baş məşqçisi Nikolay Adamın köməkçisi vəzifəsində çalışır. Kərimov bütün vaxtını yığma komandaya sərf etmək istəyini və AFFA-dakı fəal iş fəaliyyətini nəzəra alaraq, federasiyada qalmağı üstün tutub.

“Sumqayıt” rəhbərliyi milli komandanın mənafeyini nəzərə alaraq, Aslan Kərimova gələcək işlərində uğurlar arzulayıb və onunla müqaviləni qarşılıqlı razılıq əsasında ləğv edib.

• Valverde və Çuameni barışdı: Cəriməsiz ötüşmədi
• Sara mövsümü erkən başa vurdu
• "Trabzonspor"un müdafiəçisi əməliyyat olunub
• Dambrauskas və Sadıqov finalöncəsi PFL-in suallarını cavablandırıb - VİDEO
• 33 yaşlı mütəxəssis daha 3 il "Brayton"da - RƏSMİ