21 yaşadək futbolçulardan ibarət Azərbaycan milli komandası Avropa çempionatının seçmə mərhələsində sonuncu olmadı. Apasport.az saytının məlumatına görə, seçmə oyunları başa çatmasa da millimiz 5 komandalı qrupda 4-cü yeri təmin edib.

Buna səbəb İslandiya yığmasının Norveçdə Drammen şəhərindəki oyunda 1:2 hesabı ilə uduzmasıdır. Ayın əvvəlində Azərbaycanı bu şəhərdə məğlub edən norveçlilər bu dəfə İslandiyanı xalsız yola salıb. Bu isə millimiz üçün şad xəbərdir. Artıq ada təmsilçisinin son oyunlardan asılı olmayaraq 5-ci olması rəsmiləşib.

İndi hesabında cəmi 3 xal olan islandiyalılar üçün özündən 4 xal öndə olan Bernard Lippertin yetirmələri əlçatmazdır. Yığmamız sentyabrın 6-da Bakıda İngiltərə ilə keçirəcəyi oyunun nəticəsindən asılı olmayaraq autsayderlikdən qurtulub.

Qeyd edək ki, bu, millimizin tarixində ikinci belə hadisədir. Final mərhələsi 1996, 2000, 2004, 2006, 2009 və 2011-ci illərdə keçirilən Avropa çempionatlarının seçmə mərhələlərində yığmamız istisnasız sonuncu olub.

Avro-1998-ə qatılmayan, Avro-2007-nin qrup mərhələsindən isə təsnifat mərhələsində uduzaraq kənar qalan komandamız indiyədək yalnız 1 dəfə sonuncu olmamışdı. Bu da Avro-2002-nin seçmə mərhələsində, Makedoniyanı qabaqladığımı vaxt gerçəkləşmişdi.

• Valverde və Çuameni barışdı: Cəriməsiz ötüşmədi
• Sara mövsümü erkən başa vurdu
• "Trabzonspor"un müdafiəçisi əməliyyat olunub
• Dambrauskas və Sadıqov finalöncəsi PFL-in suallarını cavablandırıb - VİDEO
• 33 yaşlı mütəxəssis daha 3 il "Brayton"da - RƏSMİ