Bu gün Avropa Liqasının ilk iki təsnifat mərhələsinin püşkü atılb. Apasport.az saytının məlumatına görə, İsveçrənin Nyon şəhərində keçiriləcək tədbirdə Azərbaycan klublarının da rəqibləri müəyyənləşib.

Son illərdən fərqli bu dəfə hər 3 komandamız I təsnifat mərhələsindən mübarizəyə başlayacaq. Ölkə kubokunun sahibinin əvvəllər olduğu kimi II təsnifat mərhələsində oynamaması “Bakı”nı da ilk püşkatmaya qatılmasına səbəb olub. “Zolaqlılar”ın Sloveniyadakı təlim-məşq toplanışında yoxlama oyunu keçirərək, qalib gəldiyi yerli “Mura” düşüb. Premyer Liqamızın gümüş medalçıları olan “Xəzər Lənkəran”la “İnter” isə Estoniya klubları düşüb. Bunlar müvafiq olaraq “Nomme Kalyu” ilə “Trans” oynayacaq. Maraqlıdır ki, Çempionlar Liqasında təmsilçimiz olan, “Zestafoni” ilə düşən “Neftçi”ni də nəzərə alsaq, bütün komandalarımız ilk oyunlarını evdə keçirməlidir.

I təsnifat mərhələsi

“İnter” (Azərbaycan) - “Trans” (Estoniya)
“Senisa” (Slovakiya) - MTK (Macarıstan)
“Tirana” (Albaniya) - “Qrevenmaxer” (Lüksemburq)
“Torpedo” (Gürcüstan) - “Aktobe” (Qazaxıstan)
“Borats” (Bosniya və Herseqovina) - “Selik” (Çernoqoriya)
“Bakı” (Azərbaycan) - “Mura” (Sloveniya)
“Elfsborq” (İsveç) - “Floriana” (Malta)
“Renova” (Makedoniya) - “Libertas” (San Marino)
“Santa Koloma” (Andorra) - “Osiyek” (Xorvatiya)
“Yaqodina” (Serbiya) - “Ordabası” (Qazaxıstan)
“Differdanj” (Lüksemburq) - “Runavik” (Farer adaları)
“Rusenborq” (Norveç) - “Kruzaders” (Şimali İrlandiya)
“MyuPA” (Finlandiya) - “Kefn Druids” (Uels)
“Şaulyay” (Litva) - “Levadiya” (Estoniya)
“Bohemians” (İrlandiya) - “Akyureyri” (İslandiya)
“Sarayevo” (Bosniya və Herseqovina) - “Hibernian” (Malta)
“Tvente” (Hollandiya) - “UE Santa Koloma” (Andorra)
“Rudar” (Çernoqoriya) - “Şirak” (Ermənistan)
“Flyamurtari” (Albaniya) - “Honved” (Macarıstan)
“Daçiya” (Moldova) - “Selye” (Sloveniya)
“Suduva” (Litva) - “Dauqava” (Latviya)
“Kuopio” (Finlandiya) - “Llanelli” (Uels)
“Kalmar” (İsveç) - “Kliftonvill” (Şimali İrlandiya)
“Vikinqur” (Farer adaları) - “Qomel” (Belarus)
“Hafnarfyordur” (İslandiya) - “Eşen Mauren” (Lixtenşteyn)
“Lex” (Polşa) - “Jetısu” (Qazaxıstan)
“Xəzər Lənkəran” (Azərbaycan) - “Nomme Kalyu” (Estoniya)
“Birkirkara” (Malta) - “Metallurq” (Makedoniya)
“Zeta” (Çernoqoriya) - “Pünik” (Ermənitan)
“Teuta” (Albaniya) - “Metallurq” (Gürcüstan)
“Olimpiya” (Sloveniya) - “Jeness” (Lüksemburq)
“Streymur” (Farer adaları) - “Qandzasar” (Ermənistan)
“Sent Patriks” (İrlandiya) - “Vestmannaeyar” (İslandiya)
“Metallurq” (Latviya) - “La Fiorita” (San Marino)
“Yuvaskulya” (Finlandiya) - “Stabek” (Norveç)
“Zimbru” (Moldova) - “Banqor Siti” (Uels)
“Skendiya” (Makidoniya) - “Portadaun” (Şimali İrlandiya)

Bu püşkdən sonra II təsnifat mərhələsinin püşkü atılıb. Burada komandalarımız potensial rəqiblərini tanıyaraq, yenə ilk sınaqlarını evdə keçirəcək. Belə ki, lənkəranlılar mərhələ keçsələr, “Lex”lə çətin sınaq qarşısında qalacaq. Hər halda, Avroliqanın qrup mərhələsində oynamış bu güclü komanda Qazaxıstanın “Jetısu” klubunu keçməlidir. “İnter”lə “Bakı”nı isə konkret rəqiblər – Yunanıstan “Asteras” və Bolqarıstanın MOİK klubları gözləyir.

II təsnifat mərhələsi

“Xəzər Lənkəran” (Azərbaycan) - “Nomme Kalyu” (Estoniya) cütünün qalibi - “Lex” (Polşa) - “Jetısu” (Qazaxıstan) cütünün qalibi
“İnter” (Azərbaycan) - “Trans” (Estoniya) cütünün qalibi – “Asteras” (Yunanıstan)
“Bakı” (Azərbaycan) - “Mura” (Sloveniya) – MOİK (Bolqarıstan)

• Premyer Liqa yolu: "Hull Siti"dən bərabərlik
• Valverde və Çuameni barışdı: Cəriməsiz ötüşmədi
• Sara mövsümü erkən başa vurdu
• "Trabzonspor"un müdafiəçisi əməliyyat olunub
• Dambrauskas və Sadıqov finalöncəsi PFL-in suallarını cavablandırıb - VİDEO