Avropa Liqasının I təsnifat mərhələsində “Bakı”nın rəqibi olan Sloveniyanın “Mura” klubu təmsilçimizə yaxşı tanışdır. Apasport.az saytının məlumatına görə, bakılılar 1 gün əvvəl yoxlama oyununda bu komandanın qapısından 4 cavabsız qol keçiriblər. Yoxlama oyunundan cəmi 11 gün sonra isə tərəflər avrokubokların ilk qarşılaşmasında üz-üzə gələcək.

Murska-Sobota şəhərini təmsil edən “Mura” 1924-cü ildə yaradılıb. Komanda ev oyunlarını 5500 tamaşaçı tutumuna malik “Fazaneriya” stadionunda keçirir. Ölkə çempionatlarında ən böyük uğuru gümüş medal olan komanda 1994, 1997 və 1998-ci illərdə buna nail olub. Ötən mövsüm isə murska-sobotalılar 3-cü yeri tutub. 1995-ci ildə isə Sloveniya kuboku da Superkuboku da bu komandanın olub.

Sonuncu dəfə 1998/99 mövsümündə avrokuboklara qatılan komanda 4 dəfə özünü qitə səhnəsində sınayıb. Bunların ikisində 1 mərhələ adlamağı bacarıb.

Deyan Koloşanın prezidenti, Ante Şimundjanın baş məşqçisi olduğu komandanın tarixində məşhur simalar da var. Belə ki, əfsanəvi Miroslav Blajeviç kimi mütəxəssis 2003-cü ildə “Mura”nı çalışdırıb. Ondan başqa Zlatko Krançar da bu klubda baş məşqçi olub.

• Premyer Liqa yolu: "Hull Siti"dən bərabərlik
• Valverde və Çuameni barışdı: Cəriməsiz ötüşmədi
• Sara mövsümü erkən başa vurdu
• "Trabzonspor"un müdafiəçisi əməliyyat olunub
• Dambrauskas və Sadıqov finalöncəsi PFL-in suallarını cavablandırıb - VİDEO