“Türkiyədə daha çox fiziki hazırlıq üzərində çalışacağıq. Əvvəllər də bu ölkəyə gəlib komandamın toplanışında iştirak etmişəm. Lakin Davrazda ilk dəfədir oluram”. Apasport.az saytının məlumatına görə, bu sözləri AZAL-ın baş məşqçisi Vaqif Sadıqov deyib.

Türkiyənin Isparta şəhərindəki Davraz Kayak Mərkəzində təlim-məşq toplanışında olan təmsilçimizin çalışdırıcısı qonşu ölkədən olan həmkarlarımıza açıqlama verib: “Bura təlim-məşq toplanışı üçün hər cür şəraiti olan yerdir. Çox gözəl meydanları var. Qarşıdakı mövsümdə hədəfimiz Avropa kuboklarına vəsiqə qazanmaqdır. Mövsüm öncəsi hazırlıqlarımızı da Davrazda keçirəcəyik. Burada 3 yoxlama oyunu keçirmək niyyətindəyik. Bu gün, iyulun 9-da və 12-də sınaq matçına çıxacağıq. Ayın 13-də isə Boluya gedəcəyik. Orada 4 yoxlama matçına çıxıb ayın 28-də geriyə qayıdacağıq”.

• “Kamp Nou"da fəhlələr arasında dava düşüb
• Mareska ən yaxşı adına layiq görüldü
• Podolski göz yaşlarıyla futboldan getdi
• İslandiya - Türkiyə matçının hakimləri müəyyənləşib
• "Fənərbaxça"ya bəd xəbər: Şimanski zədələndi