“Xəzər Lənkəran” Tallində “Nomme Kalyu” klubuna qarşı keçiriləcək UEFA Avropa Liqası təsnifat mərhələsinin cavab oyunu öncəsi yekun məşqinə çıxıb. Apasport.az-ın klubun rəsmi saytına istinadən məlumatına görə, hazırlıq Estoniya Futbol Federasiyasının məşq meydançasında, daha doğrusu Tallinin “A Le Koq” stadionunun köməkçi meydanında keçirilib. Məşq prosesində komanda tam heyəti ilə iştirak edib.

Bir saat yarım davam edən hazırlıqda futbolçular fiziki və taktiki baxımından müxtəlif tapşırıqları yerinə yetiriblər. Prosesə yüngül qaçışla yekun vurulub. Məşq Tallində yaşayan bir neçə “Xəzər Lənkəran” azarkeşi tərəfindən də izlənilib.

Bu gün Tallinin “Kadrioru” stadionunda baş tutacaq “Nomme Kalyu” – “Xəzər Lənkəran” matçının start fiti Bakı vaxtı ilə saat 20:45-də veriləcək.

• Arda Turan "Beşiktaş"a keçidi ilə bağlı: “Həmişə Qalatasaray”lı olduğumu söyləmişəm”
• Duşan Tadiç: "Kişi kimi məsuliyyəti boynumuza götürməliyik"
• “Ankaragücü” baş məşqçisi ilə yollarını ayırıb
• “Sent-Etyen”in baş məşqçisi bəlli olub
• Türkiyə Kubokunda püşk atıldı - "Fənərbaxça"nın adı var, amma...