“Qarabağ” Bakıya qayıdır

14.07.2012 - 09:11

Ağdamın “Qarabağ” klubu Türkiyədəki təlim-məşq toplanışını başa vurub. Apasport.az saytının məlumatına görə, iyunun 30-dan nin Qızılcahamamdakı “Patalya” otelində hazırlıq keçən komanda hazırlığın ilkin mərhələsini yekunlaşdıraraq Bakıya geri qayıdır.

Bu gün Ankara – Bakı reysiylə vətənə dönən komanda paytaxtda 3 gün qalacaq. “Qarabağ” iyulun 17-si yenidən Türkiyəyə qayıdaraq təlim-məşq toplanışının 2-ci mərhələsinə start verəcək. Komanda bu dəfə Boluya hərəkət edəcək. Daha doğrusu adı çəkilən rayonun Gerede qəsəbəsində məskunlaşacaq. Ağdamlıların Bolu səfəri 13 gün çəkəcək. İyulun 30-u komanda Bakıya dönəcək.