“Mançester Yunayted” Liverpuldan məğlub qayıdır

21.08.2012 - 00:52

İngiltərə Premyer Liqasına start verilib. Apasport.az saytının xəbərinə görə, ilk tur “Fulhem” və “Suonsi” klublarının böyük hesablı qələbələri ilə yadda qalıb.

Bu komandalar müvafiq olaraq, “Norviç” və KPR-in qapısından 5 cavabsız top keçiriblər. “Liverpul” da “Vest Bromviç”lə səfər matçında darmadağından qaça bilməyib.

“Liverpul”dan fərqli “Çelsi” səfərdən qələbə ilə dönüb. London təmsilçisi “Uiqan”la görüşdə ilk 7 dəqiqə ərzində vurduğu qolla hesabına 3 xal yazıb.

“Mançester Yunayted” isə Liverpul səfərindən məğlub qayıdıb. Aleks Ferqyussonun komandası bu şəhərdə “Everton”a uduzub.
18 avqust
“Arsenal” – “Sanderlend” - 0:0
“Fulhem” – “Norviç” - 5:0
KPR – “Suonsi” – 0:5
“Redinq” – “Stok Siti” – 1:1
“Vest Bromviç” – “Liverpul” – 3:0
“Vest Hem” – “Aston Villa” – 1:0
“Nyukasl” – “Tottenhem” – 2:1

19 avqust
“Uiqan” – “Çelsi” – 0:2
“Mançester Siti” – “Sautqempton” – 3:2

20 avqust
“Everton” – “Mançester Yunayted” - 1:0