Premyer Liqada rekord!

20.08.2012 - 12:10

Premyer Liqanın III turu “Kəpəz”in futbolçusu İrakli Beraya üçün əlamətdar olub. Apasport.az saytının xəbərinə görə, gürcüstanlı legioner AZAL-la oyunda yubiley matçını keçirdi. O, indiyədək ölkəmizdə 50 görüşdə meydana çıxıb.

Berayanın komanda yoldaşı Azər Məmmədov isə Azərbaycan çempionatında rekord müəyyənləşdirib. AZAL-la matçda forma geyinən veteran müdafiəçi buna bütün milli çempionatlarımızda iştirak etməklə nail olub.

Premyer Liqada 100 ən çox oyun keçirən futbolçular siyahında yer alan futbolçulardan 13-ü bu tur meydanda olub. Onlardan Rəşad Sadiqov və Georgi Adamiya daha çox – 2 pillə irəliləyə bilib.

3.(3). Azər Məmmədov (“Kəpəz”) 376
30.(30). Rəşad Abdullayev (“Qəbələ”) 257
34.(34). Ceyhun Sultanov (“Sumqayıt”) 254
35.(36). Elmar Baxşıyev (“Qəbələ”) 252
52.(53). Cahangir Həsənzadə (AZAL) 234
53.(54). Aftandil Hacıyev (“Sumqayıt”) 234
55.(57). Rəşad Sadiqov (“Neftçi”) 233
73.(76). Samir Abasov (“Sumqayıt”) 213
79.(80). Vüqar Nadirov (“Qarabağ”) 209
83.(83). Rahid Əmirquliyev (“Xəzər-L”) 205
94.(95). Elnur Allahverdiyev (“Xəzər-L”) 198
95.(96). Rəşad Sadıqov (“Qarabağ”) 198
97.(99).Georgi Adamiya (“İnter”) 197

Premyer Liqada 100 ən çox qol vuran futbolçular siyahısında yer alanlardan isə yalnız biri - Vüqar Nadirov fərqlənə bilib və rəqiblərini 2 pillə geridə qoya bilib.

72.(74).Vüqar Nadirov (“Qarabağ”) - 29

Hazırladı: Rasim ƏLİYEV