Azərbaycandan UEFA reytinqində növbəti irəliləyiş

24.08.2012 - 09:00

UEFA-nın 2008-13-cü illəri əhatə edən reytinq siyahısında dəyişikliklər olub. Apasport.az saytının məlumatına görə, 2012/13 mövsümünün Çempionlar Liqası və Avropa Liqasının IV təsnifat mərhələsinin ilk oyunlarında bəzi ölkələr xal hesablarını dəyişə bilib.

Son 5 mövsümü əhatə edən reytinqə Azərbaycan da hesabına növbəti 0,125 xalı yazıb. Bu, “Neftçi”nin Kipr təmsilçisi APOEL ilə heç-heçə etməsi (1:1) sayəsində mümkün olub. Bununla da cari mövsüm qazanılan xallarımızın sayı 2,000-yə çatıb. Bunun ən böyük hissəsi – 0,750-si “İnter”ın payına düşür. Azərbaycana 0,625 xal bəxş edən “Neftçi” və 0,500 xal qazandıran “Xəzər Lənkəran”dan fərqli “Bakı” cəmi 0,125 xalla kifayətlənib.

“Neftçi”nin heç-heçəsi sayəsində son 5 ilə əsasən 7,541 xal yığmağımıza imkan verib. Bunun da sayəsində Azərbaycan yenidən Moldovaya çatıb. Bir müddət əvvəl bu ölkə ilə 34-cü yeri bölən, sonradan 35-ci sıraya düşən Azərbaycan yenidən onlara çatıb.

UEFA reytinqinin 4-cü onluğu

yer	Ölkə	reytinq	Qalıb/klub
31	Sloveniya	8,958	2/4
32	Finlandiya	8,408	1/5
33	Bosniya-Herseqovina	7,833	0/4
34-35	Azərbaycan	7,541	1/4
	Moldova	7,541	1/4
36	İrlandiya	7,375	0/4
37	Litva	6,500	1/4
38	Qazaxıstan	5,958	0/4
39	Latviya	5,791	0/4
40	İslandiya	5,416	0/4