“Seltik”in futbolçusu Bakıya gələsi olmadı

25.08.2012 - 12:41

DÇ-2014-ün seçmə mərhələsində Azərbaycan yığmasının rəqibi olan İsrail yığması daha bir itki ilə üzləşib. Apasport.az saytının məlumatına görə, sentyabrın 7-də Bakıda keçiriləcək qarşılaşmada yığmamızın qonağı olacaq Eli Qutmanın yetirmələri Beram Kayal olmadan oynayacaqlar. Belə ki, Şotlandiyanın məşhur “Seltik” klubunda çıxış edən 24 yaşlı mərkəz müdafiəçisi zədələnərək sıradan çıxıb. 3-4 həftə yaşıl meydanlardan kənar qalacaq futbolçu həm millimizlə, həm də 4 gün sonra Rusiya ilə qarşılaşmaları buraxacaq.

Qeyd edək ki, bunadək İsrail yığmasının Rami Qerşon, Eran Zaxavi və Tal Ben Haimin xidmətindən məhrum olduğu da açıqlanmışdı.