Gürcüstanlı futbolçu Georgi Adamiya “İnter”in heyətində Premyer Liqada ilk qolunu vurub. Apasport.az saytının məlumatına görə, bu, IV turda “Turan”a 3:2 hesabı ilə qalib gəldikləri səfər oyununun 52-ci dəqiqəsində baş verib. Bununla 31 yaşlı yarımmüdafiəçi milli çempionatımızda heyətində qol vurduğu klubların sayını 4-ə çatdırıb.

Həmin oyuna kimi Adamiya “Neftçi”, “Bakı” və “Qarabağ” üçün də qollar vurmuşdu. 2005-ci ilin fevralında Azərbaycan çempionatında debüt edən Georgi ölkəmizdə 4 və daha çox komanda ilə qol sevinci yaşayan 5-ci legioner oldu.

Ona qədər milliləşənlər də nəzərə alınmaqla yalnız 4 futbolçu ən azı 4 komandada buna nail olmuşdu. 61-ci qolunu vuran Adamiya 3 futbolçuya çatsa da, moldovalı həmkarı Anatoli Doroşa məxsus mütləq rekord 5-ə bərabərdir. Adamiyadan təxminən 2 dəfə az – 32 qol vuran Anatoli buna 5 komandanın heyətində nail olub.

Futbolçu	Qol vurduğu klubların sayı	Qol vurduğu klublar	Qol sayı	Vətəndaşlığı
Anatoli Doroş	5	Simurq (Zaqatala), AZAL (Bakı), MKT Araz (İmişli), Karvan (Yevlax), Standard (Sumqayıt)	32	Moldova
Leonardo Roşa	4	Qarabağ (Ağdam), Standard (Sumqayıt), İnter (Bakı), Bakı	18	Braziliya
Tagim Novruzov	4	Muğan (Salyan), Simurq (Zaqatala), Turan (Tovuz), Rəvan (Bakı)	9	Azərbaycan/Rusiya
Arif Daşdəmirov	4	Şahdağ (Qusar), MKT Araz (İmişli), Masallı, İnter (Bakı)	6	Azərbaycan/Rusiya
Georgi Adamiya	4	Qarabağ (Ağdam), Neftçi (Bakı), Bakı, İnter (Bakı)	61	Gürcüstan

Mənbə: pfl.az

• "Bolonya" və "Roma"dan hücumçu barteri – Dovbik getdi, Kastro gəldi
• "Yuventus"dan 33 milyonluq transfer – "Çelsi"ni qabaqladı
• Vinçentso İtalyano “Beşiktaş”ı təriflədi – “Belə atmosfer görməmişdim”
• “Qarabağ”, “Neftçi”, "Zirə" və "Beşiktaş"ın oyunları bu kanallarda - AFİŞA
• KL: “Zirə” Sumqayıtda Estoniya klubuna qarşı – YENİLƏNİR