“Neftçi” üçün alban və xorvatiyalı

27.08.2012 - 16:31

Avropa Liqasının pley-off mərhələsinin cavab oyunları çərçivəsində keçiriləcək APOEL - "Neftçi" qarşılaşmasını idarə edəcək hakimlər briqadasının tam heyəti müəyyənləşib. Apasport.az saytının məlumatına görə, avqustun 30-da, Bakı vaxtı ilə saat 23:00-da başlayacaq qarşılaşmanın baş hakimi Səid Ennjimiyə həmyerliləri – fransalı ədalət təmsilçiləri kömək edəcək. Kiprin Nikosiya şəhərindəki GSP stadionundakı matça albaniyalı hakim-inspektor və xorvatiyalı UEFA nümayəndəsi də təyinat alıb.

23:00. APOEL (Kipr) – “Neftçi” (Azərbaycan)
Baş hakim: Səid Ennjimi
Baş hakimin köməkçiləri: Emmanuel Boisdenghien, Hüseyin Ocak
Dördüncü hakim: Lionel Jaffredo (hamısı Fransa)
Hakim-inspektor: Sokol Jareci (Albaniya)
UEFA nümayəndəsi: Zoran Cvrk (Xorvatiya)
Nikosiya. GSP stadionu

Mənbə: affa.az