“Simurq” üçün “Kopala”

28.08.2012 - 15:43

Milli komandaların oyunları ilə əlaqədar Premyer Liqada yaranan fasilədə Gürcüstana yollanacaq “Simurq”un qonşu ölkədə qalacağı məkan müəyyənləşib. Apasport.az saytının məlumatına görə, bu gün Zaqatalada bir araya gələcək komanda oradan Tiflis şəhərinə yola düşəcək.

“Sarı-qaralar” sentyabrın 9-na qədər qonşu ölkədə təlim-məşq toplanışı keçirəcək. "Kopala" otelindən məskunlaşacaq Georgi Çixradzenin yetirmələri buradakı təlim-məşq toplanışı çərçivəsində 3 yoxlama görüşündə qüvvəsini sınayacaq. Lakin hələ ki, rəqiblərin kim olacağı məlum deyil.