Azərbaycanın 17 yaşadək qızlardan ibarət yığma komandasının (U-17) Zambiyanın U-17-si ilə yoldaşlıq görüşünü keçirəcəyi stadion və oyunun vaxtı açıqlanıb. Apasport.az saytının məlumatına görə, matç sentyabrın 3-də saat 20:00-da Bayıl stadionunda keçiriləcək. Bununla da ölkəmizdə sentyabrın 22-dən oktyabrın 13-dək keçiriləcək dünya çempionatını da qəbul edəcək həmin qəsəbə stadionunda yenidənqurma işlərindən sonra ilk oyun olacaq.

Zambiya yığmasının rəqib seçilməsinin səbəbi də açıqlanıb. Belə ki, bu, dünya çempionatında yığmamızın rəqiblərindən birinin Afrika təmsilçisi – Nigeriya yığmasının olmasıdır.

Qeyd edək ki, A qrupunda mübarizə aparacaq yığmamızın digər rəqibləri Kolumbiya və Kanada milliləridir.

• Qonzalo Qarsiya "Fulhem"də – "Real" gələcək satışdan da qazanacaq
• Əl-Xelaifi FIFA prezidentliyinə namizəd olacaq? – İnfantinoya rəqib axtarılır
• "Bolonya" və "Roma"dan hücumçu barteri – Dovbik getdi, Kastro gəldi
• "Yuventus"dan 33 milyonluq transfer – "Çelsi"ni qabaqladı
• Vinçentso İtalyano “Beşiktaş”ı təriflədi – “Belə atmosfer görməmişdim”