“Fənərbaxça” avroliqaya yollandı

30.08.2012 - 01:15

Çempionlar Liqasında IV təsnifat mərhələsinin cavab oyunları çərçivəsində 5 görüş keçirilib. Apasport.az saytının məlumatına görə, bu oyunlarla qitənin ən nüfuzlu klub turnirində təsnifat mərhələsinə yekun vurulub.

Qrup mərhələsinin son 5 iştirakçısının müəyyənləşdiyi gündə azərbaycanlı azarkeşlərin diqqəti İstanbula yönəlib. Ölkəmizdə kifayət qədər fanatı olan 2 klub – “Fənərbaxça” və “Spartak” münasibətlərini ayırd edib. Moskvada minimal fərqli qələbə qazanan rusiyalılar üstünlüyünü qorumağı bacarıb. Erkən qol vuran rusiyalılar 1:1 hesabı sayəsində istəyinə çatıb.

Fransa “Lill”i, Ukrayna “Dinamo”su, Şotlandiya “Seltik”i və Rumıniya ÇFR-i də qrup mərhələsinə vəsiqə qazanıb. “Fənərbaxça”, həmçinin digər 4 uğursuz Avropa Liqasının qrupuna yollanıb.

Çempionlar Liqası
IV təsnifat mərhələsi, cavab oyunları

“Lill” (Fransa) – “Kopenhagen” (Danimarka) - 2:0
Digne, 43
İlk oyun – 0:1

“Fənərbaxça” (Türkiyə) – “Spartak” (Rusiya) - 1:1
Musa Sou, 69 - Ari, 6
İlk oyun – 1:2

“Dinamo” (Kiyev, Ukrayna) – “Borussiya” (Mönhenqladbaxt) - 1:2
Ideye, 88 - Kaçeridi, 70 (avtoqol); Aranqo, 78
İlk oyun – 3:1

“Seltik” (Şotlandiya) – “Helsinqborq” (İsveç) - 2:0
Hooper, 30
İlk oyun – 2:0

ÇFR (Rumıniya) – “Bazel” (İsveçrə) - 1:0
Kapetanos, 20
İlk oyun – 2:1

Qeyd edək ki, cütlərin uğursuzları Avropa Liqasının qrupunda mübarizə aparacaq.