Azərbaycan Premyer Liqasının IV turunun AZAL – “Neftçi” oyununun bəxti açılmır. Apasport.az saytının məlumatına görə, təqvim üzrə avqustun 25-də keçirilməli olan, amma sonradan PFL tərəfindən bir gün ertələnən matç oktyabrın 23-nə təyin olunmuşdu.

Amma Avropa Liqasının qrup mərhələsinə vəsiqə qazandığı üçün “Neftçi”nin həmin oyunu yenə baş tutmayacaq. Belə ki, “ağ-qaralar” oktyabrın 25-də avroliqada III turun oyununa çıxmalıdılar. Onların 2 gün əvvəl AZAL-la oynaması isə mümkünsüz görünür.

Bundan başqa, I turun “Bakı” ilə görüşü yenidən təxirə salınacaq. Həmin matç sentyabrın 20-nə - qrup mərhələsinin ilkin turuna təyin olunub. Bu isə o deməkdir ki, “Neftçi”nin təxirə salınan hər 2 oyunu yenidən baş tutmayacaq.

Hələ bu azmış kimi, digər qarşılaşmaların da təxirə salınacağını gözləmək olar.

• Messinin komandası 3 xalı 5 qolla qazandı
• Türkiyə Kuboku: "Trabzonspor" finalda
• Ndidi "Beşiktaş"dan ayrılacaq?
• DÇ-2026: Meksika millisinin HEYƏTİ BƏLLİ OLDU
• UEFA "Fənərbaxça"nı CƏZALANDIRDI