Qurbanov hara, Hacıyev hara?

31.08.2012 - 16:39

Böyükağa Hacıyev rəhbərlik etdiyi Azərbaycan komandası avrokubokların 1 mövsümündə ən azı 2 dəfə mərhələ keçən 3-cü mütəxəssis oldu. Apasport.az saytının məlumatına görə, Anatoli Demyanenkonun ilkə imza atdığı, sonradan Qurban Qurbanovun ardıcıl 3 dəfə bacardığı yenə “Neftçi”nin baş məşqçisinə nəsib olub.

Ümumilikdə isə 10 baş məşqçi Azərbaycan klublarına uğur qazandırıb. Hacıyev 2 mərhələ adlayan 5 çalışdırıcıdan biridir ki, onlar yalnız Qurbanovdan geri qalır. “Qarabağ”ın baş məşqçisi hələlik izləyiciləri üçün əlçatmaz görünür.

Azərbaycan klubları ilə mərhələ adlayan baş məşqçilər
7 - Qurban Qurbanov – 2 (2009/10), 3 (2010/11), 2 (2011/12)
2 – Böyükağa Ağayev - 1 (1999/2000), 1 (2004/05)
2 – Ağasəlim Mircavadov - 1 (2000/01), 1 (2005/06)
2 - Yunis Hüseynov - 1 (2006/07), 1 (2012/13)
2 – Anatoli Demyanenko - 2 (2008/09)
2 – Böyükağa Hacıyev – 2 (2012/13)
1 – Kazbek Tuayev – 1 (2004/05)
1 – Valentin Xodukin - 1 (2008/09)
1 – Qyoko Hacıyevski – 1 (2009/10)
1 – Kaxaber Sxadadze – 1 (2011/12)