Milliyə Gürcüstandan dəstək

08.09.2012 - 09:50

Hazırda Gürcüstanda təlim-məşq toplanışını davam etdirən "İnter" DÇ-2014-ün seçmə mərhələsi çərçivəsində İsrail yığması ilə qarşılaşan Azərbaycan milli komandasının oyununa biganə qalmayıb. Apasport.az saytının məlumatına görə, komandanın futbolçuları, klubun məşqçiləri və inzibati heyəti 1:1 hesabı ilə bitən qarşılaşmanı izləyiblər. "Bomond Garden" otelinin konfrans zalında bir araya gələn "İnter"in üzvləri matçı televiziya vasitəsi ilə canlı seyr edərək, 90 dəqiqə yığmamıza azarkeşlik ediblər.