İlk məğlubiyyət - YENİLƏNİB

12.09.2012 - 01:05

DÇ-2014-ün seçmə mərhələsində növbəti oyunlar keçirilib. Apasport.az saytının məlumatına görə, Azərbaycan millisi növbəti imtahanını səfərdə verib.

F qrupunda mübarizə aparan Berti Foqtsun yetirmələri seçmə mərhələdə 2-ci oyununu Portuqaliyaya qarşı keçirib. Millimiz Kriştianu Ronaldo və komandasına qarşı mübarizədən üzüağ ayrılmağa yaxın olsa da, meydan sahiblərin sonda millimizin müqavimətini qıra bilib.

1 saatdan artıq vaxtda etibarlı müdafiə olunan komandamızı dəfələrlə Kamran Ağayev, dirək, hətta tir də xilas edib. Lakin təxminən son yarım saatda meydan sahibləri istədiyinə çatıb. Pireneylilər bu müddətdə yığmamızı 3 dəfə meydanın mərkəzindən başlamağa vadar ediblər.

PORTUQALİYA – AZƏRBAYCAN - 3:0
QOLLAR: Varela, 63, Poştiqa, 85, Bruno Alveş, 88
Baş hakim: Şimon Marçinyak
Braqa. “Braqa Municipial Stadium”

PORTUQALİYA: 12. Rui Patrisio, 2. Bruno Alveş, 3. Pepe, 4. Miguel Veloso, 5. Fabiano Koentrao, 7. Kriştiano Ronaldo (k), 8. Joao Moutinyo, 16. Raul Meyreleş, 17. Nani, 21. Joao pereyra, 23. Helder Poştiqa
Ehtiyat oyunçular: 1.Eduardo, 6.Kustadio, 9.Pizzi, 10.Ruben Amorim, 11.Nelson Oliveyra, 13. Rikardo Koşta, 14. Nunu Andre Koelyo, 15. Ruben Maykl, 18. Silvestre Varela, 19. Mikel Lopes, 20. Eder, 22. Beto.
Baş məşqçi: Paulu Bento.

AZƏRBAYCAN: 1. Kamran Ağayev, 2. Əli Gökdəmir, 4. Mahir Şükürov, 5. Elnur Allahverdiyev, 9. Cihan Özkara, 14. Rəşad Sadıqov (k), 15. Ruslan Abışov, 16. Cavid Hüseynov, 18. Maksim Medvedev, 19. Rahid Əmirquliyev, 21. Vladimir Levin.
Ehtiyat oyunçular: 12. Anar Nəzirov, 3. Aqil Nəbiyev, 6. Elvin Məmmədov, 7. Vaqif Cavadov, 8. Aleksandr Çertoqanov, 10. Branimir Subaşiç, 11. Rauf Əliyev, 13. Bədavi Hüseynov, 17. Vüqar Nadirov, 20. Nizami Hacıyev, 22. Əfran İsmayılov, 23. Aqil Məmmədov.
Baş məşqçi: Berti Foqts.