“İndi komandamız yaxşı formada deyil”

11.09.2012 - 11:28

“Lüksemburqla oyunda qələbə qazandıq. Amma müdafiədəki oyun məni heç qane etmədi”. Apasport.az saytının məlumatına görə, bu sözləri Portuqaliya yığmasının baş məşqçisi Paulu Bentu deyib.

O, DÇ-2014-ün seçmə mərhələsinin Azərbaycanla bugünkü oyunu haqda fikirlərini açıqlayaraq əsas hədəfin təkcə qələbədən ibarət olmadığını bildirib: “Həmin oyundakı səhvlərimizi başa düşüb, lazımi nəticə çıxarmışıq. Lakin indi komandamız yaxşı formada deyil. Azərbaycanla qarşılaşmada oyun baxımından artırmağa çalışacağıq. Çünki tək nəticə yetərli deyil”.