Qeyri-adi istefa

14.09.2012 - 10:35

Serbiya futbolunda qeyri-adi istefa gerçəkləşib. Apasport.az saytının məlumatına görə, çempionatın lideri “Voyvodina” rəhbərliyi baş məşqçini vəzifəsindən kənarlaşdırıb.

Hərçənd, Zlatan Zaqorçiçin yetirmələri son 3 turda ardıcıl qələbələr qazanmışdı. 4 turdan sonra lider olan Novi-Sad təmsilçisinin çalışdırıcını istefaya göndərilməsi hamını təəccübləndirib. Rəhbərlik bu addımı oyun keyfiyyətinin aşağı olması ilə izah edib.

Belə ki, rəhbərlik bütün görüşlərdə 1:0 hesabı ilə qalib gələn komandada dəyişikliyi zəruri sayıb.